Nasurok 4,000 a Filipino seafarers, stranded iti Strait of Hormuz

Nasurok 4,000 a Filipino seafarers, stranded iti Strait of Hormuz
Bombo Jaycesheryl Paet -April 15, 2026 https://vigan.bomboradyo.com/nasurok-4000-a-filipino-seafarers-stranded-...

Pinasingkedan ti Department of Foreign Affairs (DFA) a rinibo a Filipino seafarer iti agdama a na-stranded idiay Strait of Hormuz bayat ti tensyon idiay Middle East.

Segun ken ni Foreign Affairs Secretary Maria Theresa Lazaro, nasurok-kumurang 4,862 a Filipino seafarers iti karaman iti 20,000 seafarers manipod agduduma a pagilian iti naapektaran iti nasao a ruta.

Kaadoan kadagiti barko nga apektado ket dagiti oil ken gas tanker ken cargo ships a saan a makdalyasat gapu iti kumarkaru a tensyon.

Kinuna ti DFA nga agtultuloy iti pannakikammayet ti gobierno kadagiti maseknan a pagilian tapno masigurado no natalged iti panaggaraw dagiti Philippine-flagged ships.

Maibasar ti listaan, manipod 3,000 a barko a dumaldalan kada bulan iti Strait of Hormuz ket bimmaba iti 200 iti umuna a lawas iti Abril gapu iti kumarkaru a riribok.

Maipalagip a nangisayangkat ti diplomatic requests ti Pilipinas idiay Iran tapno palubosan ti panagdalan ti sumagmamano a barko iti pagilian a nagluganan dagiti Pilipino a tripulante.