7 ka Pinoy seafarer, naangol sa drone attack sa Strait of Hormuz

7 ka Pinoy seafarer, naangol sa drone attack sa Strait of Hormuz
Third Anne Peralta-Malonzo May 07, 2026 https://www.sunstar.com.ph/superbalita-cebu/7-ka-pinoy-seafarer-naangol-...

Gikompirma sa Department of Migrant Workers (DMW) niadtong Huwebes, Mayo 7, 2026, nga pito ka mga Pinoy seafarer ang naangol human sa usa ka drone attack nga gituohang gihimo sa mga puwersa sa Iran taliwala sa nagpadayong panagbangi sa Middle East.

Sa usa ka press conference, niingon si Migrant Workers Secretary Hans Leo Cacdac nga ang mga Pinoy nga tripulante sa Maltese-flagged container ship nga CMA CGM San Antonio—nga naigo sa drone samtang naglawig sa Strait of Hormuz—kasamtangang gihatagan og medikal nga atensiyon.

“Four of them have relatively minor injuries, while three are in more serious condition and are being closely monitored,” matod ni Cacdac.

Iyang gipasalig nga padayon nilang monitoron ug hatagan og tabang ang mga naapektuhang tripulante. /TPM / SunStar Philippines